आरंग। जल संसाधन अऊ एरिकेसन विभाग छत्तीसगढ़ सासन के तरफ ले रइपुर जिला विकास खंड आरिंग के कोल्हान नाला गांव नारा म एनिकट बनाय बर तीन करोड़ तिहत्तर लाख छैसठ हजार रुपिया करिस पास। येकर बर प्रसासकीय स्वीकृति मुख्य अभियंता महानदी परियोजना जल संसाधन विभाग रायपुर ल मिल गेहे। कोल्हान नाला हा नवा रइपुर छतौना होके नारा खमहरिया सारागांव से सोमनाथ मे जाके मिलथे, ये योजना म एनिकट तैयार होय ले नारा गांव के लगभग पचासों अकड़ खेती भुइयां ल सिंचाई बर पानी मिलही। एनिकट बनाय के घोसना होय ले गांव के लोगन मन बड़ खुस हे, सरकार अऊ विभाग ल आभारी मानत हे।
